Plantun de Prouvènço

Pèr coumpara dos planto d'encò nostre

Polystichum lonchitis & Pilosella officinarum

Polystichum lonchitis

Dryopteridaceae

Nom en français : Polystic en fer de lance.

Descripcioun :
Aqueste béu féuse coumun se rescontro en mountagno dins li roucas e lis esboudèu sus cauquié. Li foundo, lusènto e estrechido à la baso, dounon d'èr à-n-uno lanço. Li penno sèmblon de daio emé uno auriheto d'un coustat à la baso, e bourdado de dènt.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 50 cm
Fueio : foundo
Tipe bioulougico : Emicriptoufite
Cicle bioulougico : Planto renadivo

Gènre : Polystichum
Famiho : Dryopteridaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Ca
Autour basso e auto : 600 à 2500 m
Aparado : Noun
Juliet à setèmbre

Liò : Roucas - Esboudèu
Estànci : Mountagnard à Subaupen
Couroulougi : Éurasiatico
Ref. sc. : Polystichum lonchitis (L.) Roth, 1799

Peludello

Pilosella officinarum

Asteraceae Compositae

Àutri noum : Erbo-pelouso, Pelouso, Pelouseto, Erbo-dóu-gabard.

Nom en français : Piloselle.

Descripcioun :
La peludello se recounèis à si fueio di proun pelouso en roseto. Coume fai de fiéu (estouloun), se pòu vèire souvènti-fes de perterro de peludello. Pèr la destria dis autro peludello fau regarda que li fiéu dounon de fueio de mai en mai pichoto que li de la rouseto de despart à flour e mesuro que s'aluenchon.

Usanço :
Contro li bruladuro e pougnaduro de serp, quicha de fueio fresco e bouta en emplastre (M. Amir, 1998). S'utiliso despièi l'Age-Mejan pèr sougna li blessaduro (lucho contro l'enfecioun), amelioura la visioun, e contro li saunamen de nas (en poudro). De nouta qu'aquelo erbo fai de pouisoun qu'empacho lis autro de poussa.

Port : Erbo
Taio : 3 à 40 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Pilosella
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 5 à 30 mm
Flourido : Printèms - Estiéu - Autouno

Sòu : Ca
Autour basso e auto : 0 à 2800 m
Aparado : Noun
Abriéu à óutobre

Liò : Tepiero seco - Prado à jóuinis aubret
Estànci : Mesoumediterran à Subaupen
Couroulougi : Paleoutemperado
Ref. sc. : Pilosella officinarum Vaill., 1754 (= Hieracium pilosella L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Polystichum lonchitis & Pilosella officinarum

ges

Coumpara Poulistique(-en-ferre-de-lanço) emé uno autro planto

Coumpara Peludello emé uno autro planto